هذه روايه الأولى يا غالين.
اتمنى تعجبكم..
ولا تنسوني من ردودكم وآرائكم وتشجيعكم..
راح اتقبل آرائكم بصدر رحب..
واترككم مع رواية.

"الـــجــــــــــــــــــــ الأول ــــــــــــــــــــزء"


جرح المحبة ما تداويه الأيام


لا من جرحني حبيبي وش بقى لي


لا صار أعز الناس بيزيدك الآم


من ترتجي يا قلبي تشكيه حالي


هزلي قلب دايم الدوم منظام


ما شاف بالدنيا حبيب موالي


وأصبر على جرحي وأداويه بأوهام


والقلب لا زادت همومه شكا لي


يا حظ من مثلك هنا العمر له دام


يا حظ من هو قاسي ما يبالي


دمعة ورى دمعة والأحزان قدام


والحب كلمة عشتها في خيالي





في مدينة لندن وفي وحده من الحدائق كان"زياد"جالس على وحدة من الكراسي يفكر في حاله وحال بنت عمه اللي حبها بجنون وتركته كان يطالع في الناس الرايح والجاي كان دائماً يعيش في جو صمت يحس أنه وحيد بعد بنت عمه حاول أنه ينساها أو بالأصح يتناساها لأنه يعرف أن القرار صعب بالنسبة له مره وهو في دوامة أفكاره حس أن فيه أحد جلس جنبه لف بوجهه وتفاجأ بوجود بنت آية في الجمال عيونها عسلية ومكحلة وشفايفها وردية وناعمة مره وأنفها دقيق وصغير وبشرتها مره بيضاء وكأنها رسمة كان يتأملها ويقول:سبحان الخالق انتبهت البنت لزياد وابتسمت لهو رد لها الابتسامة كان يتمنى أنه يسألها يعرف من هي ومن وين جايه حس أن فيه أحد يكلمه فعرف أنها البنت


البنت:لو سمحت؟!


زياد:هلا..


البنت:أنت سعودي..


زياد:أيوه سعودي..


البنت:تشرفنا..


زياد:شكراً وأنتي؟!


البنت:سعودية مثلك..


زياد:مرحباً بالسعوديين كنت أتمنى إني ألقى أي أحد سعودي وربي جابك الله يحييك


البنت:مشكور يا خوي بس ما تعرفنا؟!


زياد:أنا أسمي زيا دمن الرياض وأنتي؟!


البنت:أنا آمال من الرياض بعد..


زياد:يا حظي لقيت سعوديه ومن الرياض بعد..


آمال:أحمد ربك..


زياد:الحمد لله والشكر لك يا ربي..


آمال:أنت تدرس؟!


زياد:لا ليه؟!


آمال:ما أدري قلت يمكن جاي تدرس..


زياد:لا أنا ماخذ إجازة وجاي أغير جو شوي..


آمال:طيب أهلك معك؟!


زياد:لا أنا جاي لوحدي..


آمال:لوحدك كيف تقدر تسافر لأي مكان لوحدك؟!


زياد:عاااااادي أنا ما أحب سفرات العوائل حدي أثنين ثلاثة وبس..


آمال:لا أنا ما أحب أنا جايه مع أهلي أبوي عنده شغل وقال مره وحده شغل وتمشية..


زياد:بس أنا ما أشوف معك أحد من أهلك؟!


آمال:أمي وأبوي مشغولين وأنا وحيدتهم..


زياد:أنا الحمد لله خواتي ثنتين وأخواني ثلاثة يعني عددنا ستة..


آمال:ياليت عندي خوات أو خوان بس الحمد لله ربي عوضني ببنات عم وبنات خال


آمال:كم عمرك؟!


زياد:26سنة..


آمال:ما شاء الله مو باين..


زياد:ليه؟!


آمال:شكلك يقول إنك صغير..


زياد:وأنتي يا حلوة؟!


آمال مستحية من كلمة زياد:23سنة..


زياد:العمر كله إن شاء الله طيب وش تدرسين؟!


آمال:إنجليزي المستوى الثالث..


زياد:حلو الإنجليزي مره..


آمال:وأنت؟!


زياد:أنا أشتغل مع أبوي في الشركة حقت العائلة..


آمال:طيب أنت أيش هوايتك المفضلة؟!


زياد:الرسم وخاصة رسم الأشخاص اللي أحبهم


آمال:أنا غير عنك مره..


زياد:أيش؟!


آمال:أنا أحب جمع الصور وخاصةً اللي لهم في قلبي مكانة كبيرة..


زياد:طيب عندي سؤال؟!


آمال:تفضل


زياد:وش رأيك في الحب؟!


آمال:شعور جميل بس ليت الناس تقدره..


زياد:وش قصدك؟!


آمال:يعني بعض الناس ما تحفظه لازم تخونه..


زياد:صح صادقة..


آمال:لك تجربة فيه؟!


زياد:إيه أنا كان عندي بنت عممن يوم إحنا صغار وإحنا نحب بعض كبرنا وكبر الحب معنا وتعلقنا في بعض بقوة وصرنا من أشهر قصص الحب في العائلة ومثل ما قال خوي:مضرب الأمثال تركنا كلام الناس وطنشناه وتمسكنا ببعض وفي يوم كلمت أمي عشان أخطبها ووافقت على طول ولمن كلمناها قالت بفكر وجاء يوم كنت نازل وكانت هي موجودة عند خواتي مريت من عند الصالة وسمعتها تسولف مع أختي وتقول:طبعاً أخوك تقدم لي وأنا قلت بفكر أنا الصراحة رافضة لأني حبيت واحد وهو حبني وقرر يخطبني فأبغاك توصلين الخبر لزياد أنا تحطمت مرررررررررره طلعت من البيت وشايل هموم الدنيا كلها تمنيت ساعتها أن الأرض تنشق وتبلعني ولا إني سمعت الخبر بعد ما رجعت للبيت كانت أختي تنتظرني وجلست معها وعلمتني بالخبر وتفاجأت من ردة فعلي لأني قلت لها:الله يوفقها وين ما كانت طلعت لغرفتي وحاولت أنام بس ما قدرت دخلت أختي عليّ وطلبتها تخليني لحالي لكنها رفضت قلت لها إني سمعتها وهي تكلمك فقامت بدورها بالنصيحة تقول حاول تنساها لأن الأشكال اللي مثلها ما يستحقون أن أحد يحبهم ويفكر فيهم كان كلامها صحيح لكنه صعب إني أنسى حب حياتي فحسيت أن نفسيتي تعبت وقررت أخرج وبالفعل جيت هنا وحسيت بالراحة وقدرت أفكر وأنا مرتاح


زياد:وأنتي؟!


آمال:وأنا كمان كنت أحب ولد خالتي بجنون ما كنت أتخيله بعيد عني دايم أفكر فيه وأفرح متى ما قالت أمي بنروح عندهم من يوم عرفت نفسي وأنا أحبه وخبرتني أخته أنه معجب فيني فرحت وقلت أكيد بيحبني دام أنه معجب فيني كانت إبتسامته ما تفارق وجهه إذا شافني كنت أكتب رسايل وأحطها في غرفته وهو يرد بكلام أحلى كان هو شي ثاني بالنسبة لي الناس بكفه وهو لوحده بكفه جاء يوم قالت أمي أن أحمد بيخطب توقعي من؟!أنا رقص قلبي من الفرحة وقلت:من؟!قالت:صديقة أخته يحبها ويموت فيها وما يقدر يستغني عنها أنا حسيت بسكاكين تدخل في قلبي بقوة جرحته ومزقته وخلته أشلاء شلت نفسي ورحت لغرفتي رميت نفسي على السرير وجلست أبكي ولأول مرة في حياتي أبكي بحرقة حسافة على سنين الحب والوهم والأيام اللي كنت أعدها عشان أعيش معه أمتلى قلبي بالكره له أللحين هو خطب وباقي ما تزوج ويوم جينا هنا أتصل على أمي وقال لها:أبغاكم ترجعون بسرعة عشان الزواج قرب مات قلبي بهالكلمة ما أحد حس فيني ولا في قلبي اللي ما تهنى بحياته كلمتني أمي وطلبتها أن نجلس هنا ونرجع قبل الزواج بيومين ووافقت بس ما أدري وش أسوي يوم زواجه أحس إني بحترق في مكاني بس اللي قاهرني بعد ذا كله ليه يوهمني أنه يحبني كذب عليّ وعلى نفسه بس ما أقول إلا:الله يسعده ويهنيه بحياته


زياد:والله إنك صادقة.ليش يكذبون علينا ويحبونا وفي النهاية يعلنون قصة كذبهم ويخلون وراهم قلوب مجروحة وميتة


آمال:بس يا زياد هي سهله عند الرجال يمكن يتزوج وتعوضه زوجته وينسى لكن البنت لاتتزوج ويبقى قلبها مجروح ما ينسى


زياد:ما تنلام عاطفية وحساسة مثل ما يقولون


طالع زياد في ساعته:يالله يا آمال الوقت تأخر ولاّ الجلسة معك ما تنمل بس بغيت أطلبك طلب


آمال:آمر


زياد:إذا ما كان فيها إحراج.أبغى رقم جوالك


آمال أنحرجت:طيب خذ^^^^^^055


زياد:مشكورة


آمال:لحظة.بس ما قلت لي ليش ماخذه؟!


زياد بنظرة حب:بعدين تعرفين يالله باي


آمال:بااااي


راح "زياد" وحس أن قلبه محتاج لأحد وقال ما فيه غير آمال لأنها دخلت قلبه بسرعة وحبها من أول نظرة بس كان خايف تتركه وتشوف غير مثل بنت عمه


أما "آمال" كانت تطالع في زياد وتقول:أحس أنه بيعوضني صدق إني حبيته..بس أخاف يتركني مثل أحمد..ياااارب رحمتك والله أني خاااايفه..


تفرقوا "آمال و "زياد" وقلوبهم مع بعض بس ما أحد يدري عن الثاني واللي في قلبه..رجع زياد لشقته وهو متردد كان يبغى يرسل مسج لآمال..فقرر أنه يرسل لها..0


""اقسم بربي واللي خلقني وسواك..؟!


إني أشيل لك بداخلي &روووووح تغليك&..زياد""




كانت آمال جالسه مع أمها تسولف وفجأة رن جوالها يعلن قدوم مسج..قالت:أكيد من عند بنت خالتها أنسام..فتحت وشافت رقم غريب..وصلت تحت وتفاجأت في الاسم..أستأذنت من أمها وراحت لغرفتها..وجلست تقرى المسج مره..مرتين..ثلاث..ما كانت مصدقه..أنحرجت من زياد وترددت ترسل له ولا لا..فقررت أنها ما ترسل له..


كان زياد في الطرف الثاني يستناها..قال:أكيييد مستحيه..صدق أني ملقوف يا ربي ما استحمل..هي من أول نظره سحرتني..الله يعين..وش بتسوي فيني باقي الأيام......0


...!...!...!...!...!...!...!...!...!...!...!...!.. .!...!...!


في السعودية..كان بيت خالة آمال مشغول..البنات مشغولين بتجهيزات العرس..وأحمد ماهو مصدق عمره..وأخيراً بياخذ حلم حياته اللي يستناها من زمان..وقطع عليه حبل أفكاره صوت أخته..0


فجر:أنت وش فيك ما تسمع..


أحمد:خير وش تبغين..؟!


فجر:أمي تبغاك..


أحمد وهو قايم:يالله مشينا..


طلع أحمد وراح عند أمه..كانت جالسه لحالها بالصاله وتتفرج عالتلفزيون..


أحمد:السلام عليكم.. وحب راسها..


أم أحمد:وعليكم السلام..حبتك العافيه إن شاء الله..


أحمد:آمري..بغيتيني..


أم أحمد:ايوه بغيتك..أحمد أنت تدري أن خالتك زهره في لندن ومشغولة مع زوجها..وما تقدر تجي بهالسرعه..ودي أنك تأخر الزواج بعد الموعد بأسبوع..


أحمد بدهشة:ايييييش ..أأخره..وليه..بكيفها جات الله يحييها ماجات عذرها معها..ماني قاعد استنى واحرق قلبي على حساب غيري..


أم احمد:بس هي خالتك ماهي غريبه..وانت تعرف الغايب عذره معه..


احمد:أنتي قلتيها..الغايب عذره معه..بس ااخر الزواج لا وألف لاااا..


فجأه دق التليفون وكان احمد عنده..ورد..


احمد:نعمم


......:السلام عليكم


احمد:وعليكم السلام


....0:كيفك احمد؟؟!!


احمد باستغراب:الحمد لله....من معي؟!!!


......:بعذرك ماتعرف..0الناس أشغلوك عنا..


احمد:لو سمحتي قولي من انتي..0بلا الغاز..


....0:أنا آمال!!!


احمد:هلاااا آمال..0كيفك انتي..معليش ما عرفتك صوتك متغير شوي..0


آمال:الحمد لله..لا عادي..بس خالتي هنا..


احمد:يسسس..يمه خذي!!


أم احمد:من؟؟؟!!!


احمد:هذي آمال بنت خالتي زهره..


أخذت ام احمد السماعه وكان احمد جالس..


ام احمد:هلا والله براعية هالصوت..كيف حالك..وكيف اهلك..والله الحمد لله بخير..الله يبارك فيك يابنتي..بالله..الله يسعدك إن شاء الله..سلميلي على الوالدة والوالد..وتوصلون بالسلامه..الله يسلمك..مع السلامه..


قفلت ام احمد وهي مبسوطه..


احمد:خير..وش فيك مبسوطة كذا..؟!


ام احمد:خالتك وعيالها بيرجعون قبل الزواج بيومين..


احمد:زين يعني نشيل فكرة تأخير الزواج..


ام احمد:الله يسعدك ياولدي..ويرزقك....وبكت


احمد قام عند أمه وضمها:ليه يمه..خلاص لاتبكين..انا هنا عندك..وحتى بعد زواجي..بكون معك وين ما تبغين..


ام احمد:والله ماني متخيله البيت بدونك..انت ولدي الوحيد..انت ضناي..وحشاشة جوفي..الله يصبرني على بعادك..


احمد:الله يمه عندك من يعوضك عني..عندك حبيب الالب..


ام احمد وتضرب احمد بالمخدة:قوم الله ياخذ ابليسك..وش الكلام ذا..0


احمد وهو يحب راسها:آسفييييين يالغاليه..حقك علينا..


ام احمد:روح شف شغلك بس..


احمد:تامرين أمر انتي..كم جواهر عندنا..


ام احمد:سبعين..0غير روح وفكني شرك..


راح احمد وهو يرقص ويغني<سواها قلبي ياحبيبي وحبك..ماطاعني وأنا عن الحب ناهيه..الظاهر انه مايبي غير قربك..عاف الجميع وأول الناس راعيه>


طلع احمد وركب السياره..وتذكر آمال..البنت اللي حبها..وحبته..تذكر يوم كانت تحط الرسايل بغرفته..وهو يرد لها..كان يفرح إذا شافها جات عندهم..يتصل بعض الأحيان يعزم خالته بس عشان يشوفها..تنهد احمد وقال:خلاص يا آمال ماعاد ينفع القلب راح لغيرك..وابتسم أول ما تذكر خطيبته..حبها اكثر من حبه لآمال..ما يصبر عنها وعن بعادها عنه..دق عليه زميله جاسم


احمد:هلا والله بابو سنون..


جاسم:هههه..حلوه..هلا فيك..


احمد:كيف الحال؟؟


جاسم:الحمد لله بخير..كيف أحوالك انت..


احمد:الحمد لله ماشين..قاعدين نجهز حق العرس وقريب بنخلص بإذن الله..


جاسم:الله يوفقك..انت وين الحين؟؟


احمد:توني طالع من البيت..ليه بغيت شي؟!


جاسم:لا سلامتك..بس بغيت تمرني في البيت؟!


احمد:عسى ماشر؟!


جاسم:مافيه شي ياخي..مرني وأنت ساكت..سمعت


احمد:ابشر..مسافة الطريق وأنا عندك..


جاسم:يالله في أمان الله..


احمد:في أمان الكريم..0


/^/^/^/^/^/^/^/^/^/^/^/^/^/^/^/^/


في بيت أبو علي كانت عفاف جايه عند أهلها تبغى تزورهم..


عفاف:السلام عليكم..


رامي:أهلا وسهلا بمن جاء الينا..


مزن:العز تجلى والنور هلّ علينا..


سعيد:إخوتي أحبابي لكم ألف تحيه..


رامي ومزن وسعيد:يزفها إليكم بيت أبو علي..


عفاف وهي تصفق:شطّار حبايبي يعطيكم العافيه..وين ماما؟؟


رامي بلهجه طفوليه:ماما..هناك في المتبخ..


عفاف:يالبي قلبه ذا الصغينون..


ضحكوا كلهم على أسلوب عفاف ورامي..دخلت أم علي على صوت عيالها..


ام علي:جعلها إن شاء الله دوم هالضحكه يا عيالي..


عفاف:كان ودي انك شاركتينا الصراحة عندك هنا أطفال في البيت لا يعلى عليهم..


سعيد:أنا ماني نونو..انا مراهق..


رامي:ياعيني عالمراهق عمره 24سنه..بدا الشيب يدبى (يعني يمشي) في راسه..وهو ماجاب عيال..


مزن:لو تزوجت من زمان كان الحينه عندك ولد في سن رامي..


سعيد:لا لا لا..الله يسعدك..انا ما أحب اربي عيال في مرحلة المراهقه..يوه مره صعبه..بيتبزوط (يعني يتكبر) علي ويسوي لي فيها أبو العرّيف..


عفاف:بالعكس..تحس انك أب بمعنى الكلمه..


سعيد:أنتي وين الذراري(العيال) حقينك؟؟


عفاف:راحوا عند عمّانهم..لان عمهم توه جاي من السفر وعاد عياله في سن عيالي وراحوا..


سعيد:والله إني اشتقت لابو خشم..


عفاف:حرام عليك والله انه يهبل..


دخل أبو علي على عياله وسلموا عليه وراحوا لصالة الطعام عشان يتعشون..


تعريف لعائلة أبو علي وهم:


مشاري "أبو علي":طيب ويحب عياله مره و أهم شي هم وعنده شركة يشتغل فيها مع خوانه ويعتبر رجل أعمال كبير.


فوزية "أم علي":طيييييييييييبة لأبعد الحدود تموووت في عيالها وأهم شيء عندها أنهم مرتاحين ومبسوطين.


علي:أكبر واحد عمره 30 سنة طويل وعريض بشرته سمراء وحلو مره متزوج بنت خاله.."إيمان"


عفاف:عمرها 28 سنة طولها متوسط بيضاء وناعمة شعرها أجعد لحد كتفها متزوجة وعليها ولد وبنت.."إياس وإيلين"


زياد:عمره 26 سنة أجمل شباب العائلة جميل بمعنى الكلمة عيونه مايلة خضراء ومكحلة شعره بني وناااااااااااااعم أبيض مره طويل شوي جسمه رياضي "يذببببببح يجنن يعق الطير من جماله"..


سعيد:عمره 24 سنة طويل بس مو مره بشرته حنطيه شعره أسود وخشن شوي وأحلى ما فيه عيوووووونه..


مزن:عمرها 21 سنة تشبه زياد مره عيونها خضراء ومكحلة شعرها بني طويل ونااااااااااعم وكثيف جميييييييلة مره وطفولية في حركاتها وفي كل شي وتموووووووووت في أخوها زياد ..


رامي:عمره 19 سنة أبيض وطوله عادي عيونه مثل عيون سعيد شعره ناعم يعني حلووووو مره..


أبو علي:زياد أتصل عليكم؟!


أم علي:لا والله ما أتصل أخر مره كانت قبل أمس


عفاف:لا هو أتصل عليّ أمس وقال يمكن يجي الأسبوع الجاي


أبو علي:والله يا سفرته هذي أن وراها شيء


عفاف:يا بوي الله يسامحك يعني تشك بولدك هو نفسيته تعبانه ويبغى يغير جو


سعيد:أجل بتعب نفسياً عشان أسافر


ضحكوا الكل على كلام سعيد


أبو علي:عفاف إذا خلصتي تعالي عندي بالمكتب


عفاف:أبشر يا بوي


طلع أبو علي وجاسوا عياله يسولفون


رامي:جال الموت يا تارك الصلاة


عفاف:خير وش قصدك؟!


رامي:ولا شيء طال شعرك قصدي طال عمرك


دق تلفون البيت وراحوا مزن ورامي عنده عشان يردون


مزن:وجع رح خلني أرد


رامي:أنا رجال ولازم أرد


أم علي:وش فيه؟!


مزن:يبغى يرد وأنا اللي رحت قبله


أم علي:هاتوا أنا اللي برد


ردت أم علي وعيالها ماتوا قهر


أم علي:هلا


.:السلام عليكم


أم علي:وعليكم السلام


:كيف الحال يمه


أم علي:هلا والله بولدي حيا الله هالصوت وراعيه


زياد:الله يعطيك العافية كيف حالك يمه؟!


أم علي:الحمد لله بخير كيفك أنت؟!


زياد:الحمد لله كويسين


أم علي:وينك يا ولدي ما عاد تدق


زياد:والله يايمه ما يجي لي فرصة أدق


أم علي:الله يسعدك يا ولدي إن شاء الله


زياد:يالله بالغالية ماودي أطول عليك سلميلي على الوالد والأخوان الفضلاء


أم علي:الله يسلمك من الشرأنتبه على نفسك يا ولدي


زياد:أبشري يا يمهتامرين بشيء ثاني؟!


أم علي:ما أبغى إلا سلامتك


زياد:يالله مع السلامة


أم علي:مع السلامة


أم علي:زياد يسلم عليكم


الكل:الله يسلمه


رامي:من البنات


سعيد:خير وش جاب طاري الجنس الناعم


رامي:أقول يعني لا يجيه مضايقات منا ولا مناتعرف هالزمن صاروا البنات هم اللي يلحقون الشباب


مزن:لا والله وش أنتواما ندخل المحلات إلا والأوراق مليانة على الأرضتقول مطر أوراق


سعيد:هذولا البنات اللي يرمون..انتي بس شلّي الورقة تلقين رقم تلفون ومكتوب (جـــمـــانـــا..دالـــيا..تـــالا) وهي اسمها (مزنه..سكرى..نوير..عجباء)كذب عليهم..شيء..


مزن:حتى انتوا..يدق على البنت ويقول:السلام عليكم أنا (مـــراد..أنا حـــســـام) وهو اسمه (مناحي..مفلح..مرعي) وإشكالهم مغبره وشييييفه..تجيب المرض..


رامي:احترمي نفسك يابنت..ترى أحنا قدامك..


سعيد:اقول..ترى اليوم وحده من صديقاتك دقت..قلت:من أنتي؟؟ قالت:أنا ابتهال..ممكن لو سمحت اكلمها0؟ قلت:عطيني خمس مئه وأعطيك اياها..جلست تضحك..بس والله عليها ضحكه..جنااااان..روووووعه..


عفاف:أنا بقوم أحسن لي من سوالفكم اللي مثل وجيهكم..


سعيد:يعني سوالفنا تهبل..


عفاف:مصدق عمرك..


رامي:ارحمينا يالشيخه..


طلعت عفاف وتركت خوانها يكملون ضحكهم وسوالفهم..دقت الباب على أبوها


أبو علي:مــــن؟؟


عفاف:أنا يابوي..


أبو علي:تفضلي..


دخلت عفاف على أبوها وحبته على راسه وجلست عند الكرسي اللي مقابل المكتب..


عفاف:هلا بوي بغيت شي..آمرني..


أبو علي:بنتي أبغى أقول لك أني أنا اخترتك عن خوانك كلهم..عشان أخوك زياد..صحيح هم يعرفون لكن أنا ما أثق إلا في إجابتك..


عفاف:مشكور يابوي..وان شاء الله أجاوبك على اللي تطلبه..


كانت عفاف حاسة أن أبوها راح يسألها عن زياد..وكانت مترددة مرررره عن أنها تعلمه بسالفته مع بنت عمها..


أبو علي:ابغاك تعلميني..زياد ماهو على بعضه قبل ما يسافر..فيه شي؟؟


عفاف:الصراحة يابوي..بقول لك بس افهمني..زياد كان يحب بنت عمي..وهي نفس الشي تحبه..واكيد تعرف..بس المشكلة انها............


أبو علي:عفاف..فيه شي..قولي يمكن أساعد زياد انه يتزوجها..0


عفاف:السالفة أن بنت عمي حبت لها ولد ثاني..وكنت ذاك اليوم معها بالصالة ومر زياد وسمعها وبعدها علّمته وتفاجات في ردّة فعله..قال لي:الله يوفقها ويسعدها وين ما كانت..وطلبته انه ينساها لأنها وحده ماتستحق احد يفكر فيها..وهذي السالفه..


أبو علي:لا حول ولا قوة إلا بالله..صدق بنت مثل ذي ما تستحق احد يحبها..بس ماتوقعت أن ولدي راح يتأثر لهالدرجه..


عفاف:الحب والعذاب مايعرف احد..بعدين أنت يا بوي أكيد تعرف الشي هذا..


أبو علي:يابنتي الرجال قوي ما يهزه شي..المفروض زياد كان قوي ما تأثر لهذي الدرجه..


عفاف:يابوي..اللي يحب يحب من قلبه..واذا عرف أن الطرف الثاني خانه..بينقلب حاله..لانه حس أنها إهانه له..يحس أن الطرف الثاني يلعب بمشاعره..يخدعه..او مايحبه..


أبو علي:طيب ينساها أحسن!!!


عفاف:قلت له..قال:يمكن هو صعب في البداية لكن بحاول انساها..


أبو علي:الله يصبره إن شاء الله..هاه..كيف زوجك معك..


عفاف بابتسامه:الحمد لله يابوي جابر معي مثل العسل..


أبو علي:عيالك كيفهم؟؟!!


عفاف:حتى هم بخير غير إياس مجنني معذبني بس وش نقول الله يصبرنا..


أبو علي:يالبيهم....لهم وحشه..


عفاف:المره الجايه إن شاء الله اجيبهم..0


أبو علي:خلاص يابنتي الحين باطلق سراحك..روحي عند امك..اكيد ما شبعتي منها..


عفاف قامت تحب رأس بوها:الله يطول بعمرك يابوي..ويخليك ذخر لنا دايم إن شاء الله..


أبو علي:وخليكم لي ياعيالي.




وش تتوقعون راح يصير بعد كذا أتمنى أشوف ردودكم..لأن هذي أول رواية لي وإذا ما أعجبتكم راح أتقبل آرائكم بصدر رحب وأنا ماراح أنزلها لكم بشكل دائم..